Amuze & praktike: via propra retadreso @esperanto.be!

Ĉiu Esperanto-simpatianto en Belgio povas akiri retadreson vianomoesperanto.be.
Du formoj, kiuj idente aspektas por la ekstera mondo

BAZA PLUSENDADRESO: vi jam havas bazan retadreson ĉe Telenet, Gmail, Yahoo aŭ simila. Ĉiu mesaĝo al vianomoesperanto.be estas aŭtomate plusendata al via ĉefa poŝtkesto.
Prezo en 2021: 18,15 € jare, ĉion inkluzive

ADRESO KUN POŜTKESTO: vi kreas apartan konton en via poŝtoprogramo. Utila se la abono de via retperanto (ekzemple Orange) ne liveras retadreson kaj la ligitan poŝtkeston.
Prezo en 2021: 36,30 € jare, ĉion inkluzive

Amuze, facile, efike, avantaĝe, malmultekoste

Personan retadreson vianomoesperanto.be havas avantaĝojn:

Facila: vianomoesperanto.be estas tiom pli simpla kaj fonetika. Ne plu longe tajpi aŭ telefone literumi vian retadreson
Konstanta: Se vi forlasas vian nunan retperanton vi restas alirebla. Vi do ne ŝanĝu leterpaperojn, vizitkartojn ... nek devos informi ĉiujn viajn korespondantojn.
Originala: Regule uzi vianomoesperanto.be estas originala kaj amuza propagandilo. Konatoj spontanee rakontos pri la maljuna onklo, ilia junula kurso aŭ travivaĵoj tutmondaj

Mendu tuj

Kelkaj komentoj de uzantoj

Anne: baza retadreso

Anne Tilmont Mi longe havis terure malpraktikan retadreson: atilmont@XS4ALL.be. Mi ofte devis literumi tion telefone internacie en pluraj lingvoj, kaj tutsimple tio estis abomene komplika kaj multekosta pro la pli longaj telefonalvokoj. Do kiam haveblis la kompakta versio anneesperanto.be mi tuj ekprovis ĝin. Tiom praktika! Mi malkovris poste, ke ĝi vere ofte donas simpatiajn aŭ scivolajn reagojn. Mi uzas mian ĉefan Gmail-adreson por la „seriozaj” oficialaj aferoj, esperanto.be ĉefe utilas por rapida transdono kaj por libertempaj uzoj. Mi tamen sisteme mencias, ke ekzistas ankaŭ la komplika Gmail. Se do iam pro „phishing” mi devus nuligi tiun, ĉiu povos retrovi la esperantan adreson, kiu estas menciita en mia aŭtomata subskribo sub miaj leteroj. Tiu utila servo kostis al mi ĉi-jare ... nur 18,15 eŭrojn. Do mi plene subtenas tiun modernan komunik-ilon!

Paul: kun poŝtkesto

Paul Peeraerts Mia Interret-peranto estas Orange, kiu ne donas al siaj klientoj retpoŝtadreson. Mi povus uzi Gmail aŭ Yahoo, sed mi ne ŝatas tiujn komercajn firmaojn, kiuj daŭre skanas viajn korespondaĵojn. Por mi esperanto.be-adreso do estas ideala. Sed ankaŭ por funkciuloj de FEL kaj aliaj asocioj ĝi estas tre praktika. La sekretario de FEL ekzemple uzas sekretariofel.esperanto.be. Se iam li demisias, lia posteulo povas simple transpreni la poŝtkeston. Imagu se li estus uzinta sian privatan retadreson! Tiam li devus doni la pasvorton de sia privata adreso al sia posteulo, por ke tiu povu trovi la FEL-aferojn inter siaj personaj mesaĝoj!

Mendu tuj

Bonvolu entajpi vian nomon kaj adreson. Se vi jam estas konata ĉe FEL kaj se vi scias vian FEL-kodon, vi povas transsalti la kadrojn 5 kaj 6 (adreso kaj urbo).

Lasta adapto de tiu ĉi paĝo: 2021-10-29