MONATO

Leteroj

Ĉu landnomoj laŭ lingvonormoj?

Boris Kolker prave skribis (MONATO 2004/3, paĝo 7), ke „MONATO ludas lingvonormigan rolon en la viva lingvouzado”. Tamen en tiu sama numero la lingvonormoj de MONATO mem estis iom malatentataj. Sur paĝo 13 mi legas la landnomon „Luksemburgio”, kaj sur paĝo 14 la nomon „Meksikio”, kvankam laŭ la MONATO-konvencioj devus esti respektive „Luksemburgo” (tiel sur paĝo 4) kaj „Meksiko”. Mi pensas, ke mi vidis similajn deflankiĝojn de la MONATO-konvencioj en iuj el la pasintaj numeroj. Aŭ ĉu oni intertempe ŝanĝis tiujn konvenciojn?

Bertil WENNERGREN
Svedio

Indekso
Aboni al MONATO
Flandra Esperanto-Ligo (FEL)
Lasta adapto de tiu ĉi paĝo: marto 2004