Esplorado de vivĝojo

• Aŭtoro(j): Deguĉi Hidemaru; tradukis Itoo Eizo
• Priskribo: Observoj, pensoj, konsiloj pri la vivo kompilitaj el kajeroj de la aŭtoro plenigitaj en kiam li estis juna. La unua en serio de tri libroj tiel kompilitaj japanlingve, kaj Esperantigitaj fare de Itoo Eizo. (La aliaj du ankoraŭ ne eldoniĝis libroforme en Esperanto.)
• Specimena teksto: La kapo koncentre reprezentas la tutan korpon. Se ne bone funkcias la kapo, tio ne estas nur pro la kapo mem, sed pro la tuta korpo. Se okazas difekto ĉe iu parto de l' korpo, tio ne povas ne influi al la kapo. Estas necese, ke la reĝo kaj la vasalaro ambaŭ estu bonaj.
  La homo estas tre kaprica estaĵo. Kiam li malsanas, li forte sopiras la sanon, abomenante la malsanon, kaj decidas en la koro ke li volonte laboros por ia ajn tasko se resaniĝos. Kiam li resaniĝas, li tute forgesas la kordecidon kaj ĉiam plendas, grumblas. Ne estas pli granda feliĉo, ol labori en bona sano.
  Ne estu tro malpacienca, se alia persono ne montriĝas kiel vi deziras. Homoj devas esti toleremaj atendante ĉies progreson, reciproke al si admonante kaj helpante. Ĉio grava en la mondo povas plenumiĝi nur per la ĝusta persono. La fajro brulas vertikale supren dum la akvo fluas horizontale kaj ne povas esti alie. La sama akvo jen fariĝas katarakto, jen fariĝas maro, repektive ĉe taŭga pozicio. Se iu estas dotita per pli-malpli distingita karaktero, li certe iam fariĝos pli-malpli distingita persono, eĉ se li trapasos kelkan zigzagon.
• Fako: prozaĵoj mallongaj nefikciaj
• Paĝoj: 203
• Formato: A5 148 x 210 mm
• Aspekto: papere bindita
• Eldonjaro: 1986
• ISBN: --
• Pezo: 280 g