Rekomendoj al aŭtoroj

Se vi estas aŭtoro, kaj deziras, ke Flandra Esperanto-Ligo eldonu vian verkon, sendu la pretan manuskripton al eldonojfel.esperanto.be en iu ajn kutima elektronika formo: PDF, ODT, DOC, TXT. FEL antaŭmetos vian manuskripton al juĝkomisiono, kaj informos vin pri la rezulto. Notu, ke povas daŭri unu-du monatojn antaŭ ol vi ricevas respondon. Oni ja ne legas manuskripton en unu tago.

Se via manuskripto estas konsiderata eldoninda, estos sendita al vi kontraktopropono, kiu donas detalojn pri la juraj kaj financaj aspektoj de la eldono, pri via honorario, pri la senpagaj aŭtorekzempleroj ktp. Post subskribo de la kontrakto povas komenciĝi la eldona proceduro. Notu, ke povas esti atendovico, kaj ke la eldono do eble ne okazos tuj.

Lasta adapto de tiu ĉi paĝo: 2010-03-05