Ekde multaj jaroj mi okupiĝas pri persatelita ricevado de radio- kaj televid-stacioj. Loĝante en Eupen (germanlingva parto de orienta Belgio), mi ne estis kontenta pri la kablotelevida oferto. Ĝi enhavis nur kelkajn germanajn televidkanalojn (nederlandlingvajn ciferecajn mi kaptas perantene), dum per satelito eblis kapti multajn senpagajn. Kiel komencanto mi ricevis analogajn staciojn per satelitanteno kun du ricevkapoj, nome por la satelitoj Astra kaj Hot Bird (tiam por kapti la stacion Radio Polonia en Esperanto). Poste mi transiris al cifereca kaptado, sed pro translokiĝo je nur kelkcent metroj mi bezonis du apartajn parabolajn reflektilojn por povi ricevi televidstaciojn sur ambaŭ jam menciitaj satelitoj. Nun mi uzas la duan reflektilon por kapti elsendojn sur la satelitoj Astra 2 kaj Eurobird, ĉar tie senpage riceveblas BBC (i.a. pro ĝardenaj programoj).

Elsendoj persatelitaj okazas laŭ du sistemoj: analoga (sur unu frekvenco troviĝas unu televidstacio kun diversaj analogaj radiostacioj aŭ stacioj de Astra Digital Radio, ADR). Ĉi-lasta havas la eblon elsendi stereofonie sur unu aŭdkanalo, male al analoga radio, kiu bezonas du kanalojn. La analoga sistemo malaperos favore al la jam funkcianta cifereca, ĉe kiu sur unu frekvenco troviĝas pluraj ciferecaj radio- kaj televid-stacioj. Ciferecaj elsendoj kostas malpli por la elsendantoj, sed iom pli por la ricevantoj.

Sur la satelito Astra (19,2o oriente) troviĝas multaj analogaj kaj ciferecaj radio- kaj televidstacioj de germanaj landoj. Sur la satelitoj Astra 2 (28,2o oriente) kaj Eurobird (28,5o oriente) estas multaj ciferecaj stacioj anglaj, kaj sur Hot Bird (13o oriente) troviĝas diverslingvaj stacioj (preskaŭ triono en la itala) kaj ankaŭ Radio Vatikano en Esperanto. Sur la teksta paĝo 725 de la slovenaj televidoj 1 kaj 2 oni trovas informojn en kaj pri Esperanto. Kompreneble, ekzistas ankaŭ pli da satelitoj, destinitaj specife al Francio, Grekio, Hispanio, Skandinavio kaj aliaj kontinentoj, sed plejparte temas pri pagataj programoj.

Senpage kapteblaj programoj

En la apuda tabelo vi trovos ĉiujn senpage riceveblajn programojn de la tri menciitaj satelitoj kun la plej uzata lingvo (arabaj stacioj plej ofte elsendas novaĵojn ankaŭ en la angla kaj franca). La unua germana televido ARD elsendas sur la satelitoj Astra (analoge kaj ciferece) kaj Hot Bird (ciferece), kaj tial ĝi estas kalkulita kiel 3. Tiu tabelo ebligas elekti la deziratan sateliton laŭ via(j) preferata(j) lingvo(j).

Vi certe miras kion fari kun tiom da radio- kaj televid-stacioj. Nu, la plimulton mi tute ne bezonas, ĉar temas pri stacioj por vendoj, ludoj aŭ en nekomprenata lingvo. Depende de interesoj ekzistas laŭtemaj televidkanaloj: metia amatorado (Create and Craft), geja kanalo (germana Timm TV), infanoj (KI.KA, Children's BBC), instruistoj (Teachers TV), klasika muziko (O Music), kuirado (tv.gusto), kulturo franc-germana (arte), novaĵoj (BBC World, CNN, Al Jazeera, n-tv), sporto (Eurosport), turismo (Travel) kaj landaj stacioj (BBC, RAI, TVE, TV5 ktp). Inter la radiostacioj eblas elekti inter informoj kaj diversstilaj specoj de muziko: klasika, populara, danca, folklora, kanzona ktp en diversaj lingvoj.

Persatelite riceveblaj televidstacioj

LingvojHot Bird 13º orienteAstra 19,2º orienteAstra 2/Eurobird
entute 59ciferece, analogeanalogeciferece28,2/28,5º ciferece or.
televidoradiotelevidoradiotelevidoradiotelevidoradio
angla217110314671
araba6437615
armena11
azera22
belorusa11
bengala7
berbera2
birma/ĥmera11
bosnia21
ĉeĥa1
ĉina112
daria11
div.1621 (1)21 + 1 ADR76103
esperanto k.a.1
eŭska12
finna-sveda1
franca13 (1)1617301
fr.-ar.-berbera2
gaela12
germana+soraba4143516 +509284
greka75
hebrea/fr.1
hindia246
hispana46129
hungara2 (1)3 (2)1
itala163681
japana111
kartvela21
kataluna14
kazaĥa1
kimra-angla21
kirgiza1
korea21
kroata215
kurda103
kurda, persa11
leceburga21
makedona11
malajala21
nederlanda13114
nepala1
panĵaba16
panĵaba-urdua1
persa227
pola148521
portugala31211
romanĉa1
rumana11
rusa84
serba24
sinhala1
slovaka1
slovena45
somalia11
taja11
tamula3711
turka531
urdua13
vjetnama11
entute377 (2)259 (3)3817+51 ADR16416418693
ne inkluzivitaj kromaj regionaj versioj, TV-stacioj kun unuopaj bildoj, HD-TV kaj unuhore ŝovitaj „+1”164
Jean Pierre VANDEN DAELE