MONATO
Por skribi al ni
Serĉu en la retpaĝoj de FEL
en la retpaĝoj de FEL

Aliĝu al la senpaga servo Nova!

Leteroj

Rohinĝoj persekutataj pro nafto?

De pluraj monatoj la amaskomunikiloj prezentas la draman situacion de la rohinĝoj, tiu islama popolo en la budhisma lando Birmo. Nur en dekminuta programo de la franc-germana kultura kanalo ARTE mi ŝajne eksciis pri la vera kialo de tiu ekzilo, genocido kaj persona dramo. En la malgranda regiono, kiun tiu popolo okupas en Birmo, kiu nombras 160 lingvojn (laŭ ĝia ministro pri instruado, kun kiu mi parolis en Parizo dum la 39a Ĝenerala Konferenco de Unesko) kaj plurajn minoritatajn religiojn, oni malkovris nafton kaj gason!

Estos avantaĝo por Birmo eltiri plenan profiton de tiu nova financa fonto, ne dividante ĝin kun minoritato. Same Barato plukonstruas havenon en Birmo, rekte trans la Bengala Golfo por pli rapide atingi la ĉinan merkaton, evitante ĉirkaŭan maran vojon, kie multas piratoj, ŝtelistoj kaj banditoj ...

Renée TRIOLLE
Francio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Renée Triolle el Monato (www.monato.net).
Lasta adapto de tiu ĉi paĝo: 2018-12-06
Creative Commons License