MONATO
Por skribi al ni
Serĉu en la retpaĝoj de Monato
en la retpaĝoj de Monato

Aliĝu al la senpaga servo Nova!

Arto

JAPANIO

Mirinda artaĵo per bambuoj

Bambuo estas stranga planto. Diversspecaj bambuoj kreskas ĉefe en Azio, Sud-Ameriko kaj partoj de Afriko, sed ne troviĝas en Eŭropo. Ili disvastiĝas per subteraj rizomoj kaj floras unufoje en 60 ĝis 120 jaroj. Ĝenerale post la florado ili velkas. Bambuoj tre rapide kreskas: dum sia kulmina tempo ili ofte kreskas je unu metro tage. Bambuidojn oni ŝate manĝas.

En Azio bambuoj estas tre popularaj kaj ne-kostaj materialoj. Ĉar sekigitaj bambuoj karakterize havas fortecon kaj elastecon, kiujn arboj ne havas, kaj estas facile prilaboreblaj mane, oni de longe uzas ilin en multaj kampoj. La plej tipaj bambuaĵoj estas diversformaj korboj plektitaj el splititaj bambuoj. La popolo faras ankaŭ diversajn ĉiutagajn uzaĵojn (bastonetoj, florvazoj, ludiloj, fiŝkanoj, seĝoj, litoj), materialojn por konstruado (plankoj, plektobariloj, skafaldoj), armilojn (lancoj, pafarkoj, sagoj, rapiroj por trejnado) kaj muzikilojn (ŝakuhaĉoj, flutetoj). Hodiaŭ en preskaŭ ĉiuj kampoj plastaĵoj anstataŭas bambuaĵojn. Sed ĉu ne estus pli bone, ke oni pli respektu la rolon de bambuoj, kiuj ne detruas naturan medion?

La cetero de la artikolo estas konsultebla en la sekcio por abonantoj.

ISIKAWA Takasi
korespondanto de MONATO en Japanio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Isikawa Takasi el Monato (www.monato.net).
Lasta adapto de tiu ĉi paĝo: 2018-12-06
Creative Commons License