MONATO
Serĉi en MONATO

Leteroj

Finnlandaj lingvoj

En sia artikolo pri la novaj vidindaĵoj de Helsinko (MONATO 2019/05, p. 15) s-ino Pyhälä asertas, ke Finnlando estas trilingva. Oni tro facile forgesas aliajn malplimultajn lingvojn de Finnlando: ekzistas ankaŭ ciganoj, kiuj uzas sian propran romaan lingvon jam de la 17a jarcento. Krome mi aŭdis, ke tatara malplimulto tien deportita de la cara Rusio en la 19a jarcento daŭre pluvivas kaj havas siajn tatarlingvajn lernejojn. Laste, sed ne balaste, iuj eĉ diras, ke en Karelio homoj parolas apartan finn-ugran lingvon ... la karelan. El mia defora fremdlandana vidpunkto, se temas pri ŝtataj lingvoj, Finnlando estas oficiale dulingva, se temas pri la lingvoj parolataj de ĝiaj denaskaj civitanoj, Finnlando estas almenaŭ kvinlingva. Tamen, se temas nur pri la indikilaj ŝildoj videblaj ĉe la ŝoseoj, ĝi eble estas trilingva.

Thierry TAILHADES
Lyon-Francio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Thierry Tailhades el Monato (www.monato.be).
Lasta adapto de tiu ĉi paĝo: 2019-08-11