Al la versio por grandaj ekranoj

La misfamigo de Esperanto

Rilate al la eseo La misfamigo de Esperanto fare de lingvistoj kaj aliaj sciencistoj (MONATO, 08-09/2020, p. 23-27), jen plia ekzemplo: En 2009 aperis atako kontraŭ Esperanto en nacia ĵurnalo en Nov-Zelando, kiu entenis la jenajn kritikojn: Esperanto havas gramatikan genron; ĝi havas „verbajn tempomarkilojn” (angle: verbal tense markers); ĝi ne havas kulturon, nek ion alian por kio oni povas sperti personan ligosenton; ekzistanta nacia lingvo estus pli bona solvo.

Presprovaĵon de la artikolo oni sendis al la tiama prezidanto de la nov-zelanda asocio, kiu klarigis, ke tiuj asertoj estas falsaj. La artikolo aperis senŝanĝe, kaj oni ne publikigis mian respondon, en kiu mi esprimis malĝojon pro la fakto, ke la aŭtoro, profesoro pri lingvistiko, ŝajne konsideras onidirojn pli fidindaj ol aktiva scienca esploro.

Martin L. PURDY
Nov-Zelando

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Martin L. Purdy el MONATO (www.monato.be).

Lasta adapto de tiu ĉi paĝo: 2023-03-28
 
Nova! PDF Kolofono Tarifoj Abonilo Resume