Al la versio por grandaj ekranoj

Politiko

Rajtoj

Kiu rajtas nomi sin italo?

La 16an de aŭgusto 2021 la itala vira teamo pri 4x100-metra stafetkurado gajnis la oran medalon en la olimpiaj ludoj de Tokio, prokrastitaj je unu jaro pro la pandemio. Marcell Jacobs, Filippo Tortu, Fausto Desalu kaj Lorenzo Patta kuris en la Olimpia Stadiono de la japana ĉefurbo kaj starigis ankaŭ novan italan rekordon (37,50 sekundoj), alvenante antaŭ siaj britaj kaj kanadaj rivaloj. Tiuj elstaraj sportistoj povas servi kiel ekzemplo por raporti pri la nuna debato pri la rajto al civitaneco.

Italio ŝanĝiĝas: pasintece ĝi estis ĉefe lando, el kiu homoj migris, sed ekde la 1990aj jaroj de la pasinta jarcento plifortiĝis la homfluo al Italio el orienta Eŭropo (Albanio, Rumanio ktp), el Afriko (Maroko, Niĝerio ktp) kaj el Azio. Estas do nature, ke en Italio oni vigle debatas por decidi, kiu estas italo kaj kiu ne.

La cetero de la artikolo estas konsultebla en la sekcio por abonantoj.

Massimo RIPANI
korespondanto de MONATO pri Italio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Massimo Ripani el MONATO (www.monato.be).

Lasta adapto de tiu ĉi paĝo: 2021-10-01
 
Nova! PDF Kolofono Tarifoj Abonilo Resume