MONATO
Por skribi al ni
Serĉu en la retpaĝoj de FEL
en la retpaĝoj de FEL

Aliĝu al la senpaga servo Nova!

Leteroj

Usona kaj ne angla

Sur la kovrilo de la aŭgusta-septembra numero de MONATO legiĝis: Forpasis reganto de la angla signolingvo. Tio estu „la usona gestolingvo”: lingvo sendependa de la parolaj lingvoj de Usono, kiu (pro historia hazardo) pli similas al la franca gestolingvo ol al la brita gestolingvo. Ĉar ĉiuj lingvoj uzas „signojn”, la esprimo „gestolingvo” ŝajnas pli taŭga por distingi la lingvojn de surduloj disde „parolaj lingvoj”. Cetere, estas tre dubinde, ke la gorilo Koko estis „reganto” de iu homa lingvo. Kvankam kelkaj simioj lernis uzi centojn da vortoj, ili kunmetas ilin ne en frazojn, sed sensisteme. Kiel emfazis la lingvosciencisto Noam Chomsky, sintakso ŝajnas esti homa specialaĵo.

Edmund GRIMLEY EVANS
Britio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Edmund Grimley Evans el Monato (www.monato.net).
Lasta adapto de tiu ĉi paĝo: 2018-08-19
Creative Commons License