MONATO
Por skribi al ni
Serĉu en la retpaĝoj de FEL
en la retpaĝoj de FEL

Aliĝu al la senpaga servo Nova!

Leteroj

Indiĝena kulturo detruota?

En Brazilo ekde nun la ministerio pri agrikulturo demarkacios indiĝenajn regionojn. Ĝiaj interesoj preskaŭ ĉiam kontraŭstaras tiujn de konservado. Laŭ Jair Bolsonaro, la prezidanto de Brazilo, estas problemo, ke ankoraŭ ekzistas protektataj indiĝenaj regionoj, ĉar ili estas maldense loĝataj. Li ne rimarkas, ke la vivkutimoj de ĉi tiuj popoloj tre diferencas de tiuj, kiuj loĝas en urboj.

Fakte, la decido baziĝas sur ekonomiaj interesoj de agrikulturistoj. La prezidanto ankaŭ parolas pri integriĝo de la indiĝenaj loĝantoj al urboj. Ĉi tio signifas detrui la kulturon de ĉi tiuj popoloj, inkluzive arton, lingvon, manĝkutimojn ktp.

Sidney Carlos PRAXEDES
Brazilo

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Sidney Carlos Praxedes el Monato (www.monato.net).
Lasta adapto de tiu ĉi paĝo: 2019-01-22
Creative Commons License