MONATO
Por skribi al ni
Serĉi en MONATO

Leteroj

Lula, komunisto-ŝtelisto

MONATO ofte disvastigas kaj elstarigas sur sia kovrilpaĝo artikolojn, kiuj defendas la plej grandan komunistan ŝteliston en Brazilo, Lula, kiu detruis nian ekonomion. Jen nur unu detalo pri liaj koruptaĵoj: Li forĵetis en eksterlandon 617 miliardojn da realoj al komunismaj landoj kaj al sangavidaj diktatoroj, dum 13 milionoj da laboristoj restis sen laboro kaj sen pano surtable. Mi treege bedaŭras, ke MONATO tiel valorigas la komunisman sistemon.

Mauricio MONKEN
Brazilo

Noto de la redaktoro pri politiko: MONATO ne reprezentas ian apartan partian aŭ politikan vidpunkton kaj evitas cenzuradon. Tial aperigo de ricevitaj tekstoj neniel signifas „valorigon” de ilia enhavo. Se s-ro Monken aŭ alia kompetenta aŭtoro proponos artikolon pri koruptaĵoj de Lula jam plurfoje menciitaj en leteroj de legantoj, ni publikigos ĝin.

Alexander Shlafer, redaktoro pri politiko


Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Mauricio Monken el Monato (www.monato.be).
Lasta adapto de tiu ĉi paĝo: 2019-04-17