MONATO
Serĉi en MONATO

Leteroj

Matematikistoj

Pri la artikolo de Cristina Casella Obliĝas filmoj pri matematikistoj (MONATO 2019/07, p. 14) mi opinias, ke mankas mencio de la televida serio titolita en la angla lingvo Numb3rs (Num3roj) kaj en la franca lingvo La loi des nombres (La leĝo de la nombroj), kiun kreis Nicolas Falacci kaj Cheryl Heuton en 2005. En 118 epizodoj de po 42 minutoj, ĝi rakontas la kunlaboradon de du fratoj, la elstara sed normala matematikisto Charlie Eppes kaj la FBI-ano Don Eppes, kontraŭ krimuloj.

Eric COFFINET
Francio

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Eric Coffinet el MONATO (www.monato.be).

Lasta adapto de tiu ĉi paĝo: 2020-07-07