Politiko

SVISLANDO

Perdita ŝlosilo kaj savanta prezidento

Okaze de kunsido de iu tutsvisa komisiono renkontiĝis Ueli Maurer, prezidento de la Svisa Konfederacio, kaj Christian Levrat, estro de la socialisma partio. Politike ili estas du ardaj malamikoj, ĉar Maurer estas de la partio SVP/UDC, ekstremdekstra. La kunsido atingis preskaŭ sian finon, kiam Levrat menciis, ke tre baldaŭ li devus esti en Berno por ĉeesti la transdonon de diplomo al lia filino. Ĉiuj dekstremuloj substrekis la gravecon de tiu partopreno, de la rolo de la familio. En la momento, kiam Levrat volis ekveturi al Berno, li ne plu retrovis la ŝlosilon de sia veturilo. Paniko ... Sed jen venis savanto, la prezidento: „Kolego! Prenu mian veturilon kun ŝoforo kaj iru al Berno!” Tio okazis. Poste oni esploris la veturilon de Levrat kaj tie trovis ĝian ŝlosilon. La prezidento Maurer mem veturigis la aŭton al Berno.