La elektronikaj libroj de FEL

Elektronika libro, ekranlibro aŭ mallonge e-libro estas libro, kiun eblas legi per elektronika aparato, principe per kiu ajn komputilo, sed ankaŭ per specialaj poŝlegiloj kreitaj por e-libroj.

La plimulto de la e-libroj de Flandra Esperanto-Ligo (FEL) estas liveritaj en tri diversaj formoj: ePub, Mobipocket kaj PDF (legeblaj per la plimulto de la poŝlegiloj kaj per ordinara komputilo). Se vi ĝis nun neniam mendis e-libron en Esperanto, bonvolu nepre unue elŝuti kelkajn testlibrojn. Vidu liston de senpagaj provlibroj iom poste en tiu ĉi artikolo.

En la plimulto de la legiloj libro en la ePub-formo donas la plej bonan rezulton. Se neniu el la tri formoj taŭgus por vi, vi povus krome elŝuti la senpagan programon Calibre, kiu kapablas transformi ePub-formajn librojn al la plimulto de la aliaj malpli uzataj libroformoj.

Haveblaj e-libroj

Haveblaj kiel e-libro estas la jenaj eldonaĵoj de FEL. Vi povas mendi ilin tie. La ekspedo okazos rete tuj post kiam via pago estas registrita.

Permesilo

Unu ekzemplero de e-libro de FEL rajtas esti legata en maksimume 5 aparatoj. La libroj estas videble kaj nevideble protektitaj kontraŭ pirata kopiado. La PDF-versioj de la libroj povas esti printataj por propra uzo.

Kelkaj senpagaj provlibroj

Jen listo de provlibroj, kiujn vi povas senpage ricevi, ĉu por testi, kiun libroformon vi preferas (ePub, Mobi aŭ PDF), ĉu por „iom trafoliumi” la librojn, kaj legi parton antaŭ ol mendi la plenan libron. Alklaku la subajn bildetojn por krei aŭtomatan mendilon - nenion ŝanĝu en la letero, kiu aperos sur via ekrano - nur sendu la leteron. Alklaku por akiri libron en la dosierformo ePub, por akiri libron en la dosierformo Mobipocket aŭ por ricevi libron en la dosierformo PDF.

• La asocio, Ziko van Dijk
• Aventuroj de Pinokjo, Carlo Goldoni
• Aventuroj en mondo de ŝajnigado, Jean Codjo
• La bela petveturantino, Leopold Vermeiren
• La brulanta kastelo, Leopold Vermeiren
• Bildoj pri norda lando kaj aliaj rakontoj, Sen Rodin
• Cecilja, Felix Timmermans
• Ĉu rakonti novele?, Johán Valano
• Dialogo inter surduloj, Jean Codjo
• Dormanta hejmaro, Manashi Dasgupta
• La egipta dancistino, Leopold Vermeiren
• El verva vivo ĵurnalista, Stefan Maŭl
• Esperanto sen mitoj, Ziko van Dijk
• Flugi kun kakatuoj, Trevor Steele
• La grafo de Monte-Kristo, Alexandre Dumas
• Humuro laŭ la skota maniero, Andrzej Pettyn
• Informado praktike, Ziko van Dijk
• Kalejdoskopa rememoro, Alberto Fernandez
• Kromosomoj, Lorjak
• Kvazaŭ ĉio dependus de mi, Trevor Steele
• Lidia, Wendy Heller
• La migranta judo, August Vermeylen
• Morgaŭ denove ni vidu, Simon Carmiggelt
• Mortiga ekskurso, Ronald C. Gates
• Morto de artisto, Anna Löwenstein
• Murdo en Esperantujo, Daniel Moirand
• Neokazinta amo, Lena Karpunina
• Nomoj, Rosbach
• La origino de specioj, Charles Darwin
• La paŝo senelirejen, Jean Codjo
• Por ke la tagoj de la homaro, Lidja Zamenhof
• Spitaj kiel hidrargo, Christian Declerck
• La ŝtona urbo, Anna Löwenstein

Informoj pri diversaj poŝlegiloj

iPhone kaj iPad kun programo Stanza aŭ iBooks

La ePub-libroj de FEL estas perfekte montrataj en iPhone kun la programo Stanza aŭ iBooks.

Ectaco Jetbook

La ePub-libroj de FEL estas perfekte montrataj en la poŝlegilo Ectaco Jetbook.

Sony PRS-505

Prefere oni mendu la ePub-formojn. Tamen estas kelkaj problemetoj: en la enhavtabelo povas aperi strangaj literoj; espereble tio estos solvita en posta versio de la legilo.

Ni bonvenigas komentojn de uzantoj de aliaj sistemoj! Skribu al e-librojfel.esperanto.be.

Lasta adapto de tiu ĉi paĝo: 2011-04-18