La Retbutiko
FEL, ĉiam io nova!
Por skribi al ni
Serĉu en la retpaĝoj de FEL
en la retpaĝoj de FEL

La Esperanto-Retbutiko

Aktuale:
Ĵus aperis
Ĵus aperis kiel bitlibro kaj kiel klasika libro: "Dio ne havas eklezion" de la furoraŭtoro Trevor Steele.

Bruce Golding estas internacie konata foto-ĵurnalisto, kies specialaĵo estas batalarenoj kaj lokoj de naturkatastrofoj. Li fieras pri sia reputacio de “ŝtalulo”. Sed sur Hakilule, insulo grandparte detruita de cunamo, li trovas, ke estas limoj de lia “ŝtala karaktero”. Lia soleca koro trovas ankaŭ amon tie, kaj li komencas ŝanĝi sian mornan vivpercepton. Bruce ekscias, ke senskrupula korporacio ekspluatas la katastrofon por aneksi la insulon kaj konverti ĝin en feriejon por riĉegaj turistoj, tiel detruante la harmonian kaj mediprotektan vivstilon de la insulanoj. Ĉu li povas ion fari por helpi tiujn pacemajn homojn?

Por pliaj detaloj kaj mendilo iru al la retbutiko.


Ĉi-sube vi legos ĝeneralajn informojn pri la Retbutiko. Se vi jam scias, kiel la Retbutiko funkcias, vi povas transsalti la informojn.





En la Esperanto-Retbutiko vi povas agrable promeni laŭ la libroj, diskoj, kasedoj, komputilaĵoj, filatelaĵoj, ktp. Vi povas ankaŭ krei listojn laŭ via prefero, ekzemple liston de difinita aŭtoro. Vi povas rigardi la kovrilpaĝon de viaj preferataj libroj, aŭdi pecon el viaj preferataj diskoj, legi recenzon pri ili aŭ venigi pliajn detalojn.

Por havi superrigardon pri la novaĵoj, elektu la eron novaj produktoj en la pendomenuo Kategorio. En tiu sama pendomenuo vi povas ricevi superrigardon de la bazaj literaturaj verkoj, t.e. la libroj kiuj laŭ William Auld aperu nepre en ĉies biblioteko.

Kompreneble vi povas ankaŭ mendi la varojn. Por mendi simple metu nombron en la kolumno Kvanto kaj post la butikumado metu ĉion en vian butikumĉareton.

Por pagi al la Retbutiko ekzistas diversaj manieroj. Se vi ĉi-momente ne deziras rigardi nian libro-oferton, sed nur konsulti aŭ adapti viajn adres- kaj aliajn donitaĵojn en la komputilo de la Retbutiko, vi rekte eniru nian komputilon

Agrablan viziton!

Bv. atenti

Haveblo: La indiko „En stoko” signifas, ke almenaŭ unu ekzemplero de la koncerna ero estas havebla en la Retbutiko kaj tuj sendebla.
La indiko „Mendebla” signifas, ke la ero ne estas en stoko en la Retbutiko, sed ke ĝi laŭ nia scio ankoraŭ estas havebla de la eldonejo. La Retbutiko pretas mendi ĝin por vi, sed la efektiva livero al vi povas do iom daŭri.
La indiko „Elĉerpita” signifas, ke la ero estas elĉerpita kaj en la Retbutiko kaj ĉe la eldonisto kaj ke ĝi do ne estas plu liverebla.

Rabato: La rabato, pri kiu vi trovas informojn en la koncerna kolumno, validas por tiuj eroj, de kiuj la kliento aĉetas 3 ekzemplerojn aŭ pli, se ili estu sendataj al unu adreso kaj fakturataj al unu persono aŭ asocio.

Se en iu listo aperas la prezo 0,00 EUR, tio ne signifas, ke la verko estas senpaga, sed ke la prezo ankoraŭ ne estas konata.

Afranko: Al la prezo menciita en niaj tabeloj aldoniĝos la vera afranko kun minimumo de 3 eŭroj. La kliento povas elekti inter unuaklasa, duaklasa, triaklasa (kiel eble plej malmultekosta) aŭ registrita alsendo. Ĉar pli kaj pli da varoj perdiĝas en la poŝto, ni rekomendas al vi elekti registritan mendon.
Mendoj registritaj estas ekspeditaj tuj per la plej rapida vojo kaj krome estas registritaj ĉe la poŝtoficejo. Depende de la cellando la kliento povas informiĝi ĉe la poŝtoficejo aŭ per Interreto pri la loko, kie la pakaĵo troviĝas en tiu momento.
Mendoj unuaklasaj estas ekspeditaj tuj per la plej rapida vojo (se la varoj estas en stoko). Depende de la distanco tiaj liveroj povas daŭri kelkajn tagojn.
La livero de mendoj duaklasaj mezume estas inter unu kaj du semajnoj.
Mendoj triaklasaj estas ekspedataj en amassendaĵoj per malmultekosta ekspedisto. Tia sendo estas la plej malmultekosta, sed ankaŭ la plej malrapida. Varoj senditaj triaklase povas survoji dum pluraj semajnoj.

Ekspedo: La varoj estas ekspeditaj je la risko de la kliento. Se vi volas minimumigi tiun riskon, prefere vi elektu registritan alsendon (vidu supre).

Sendube vi interesiĝas ankaŭ pri nia listo pri haveblaj brokantaj libroj kaj pri la listo de verkoj konsulteblaj en nia biblioteko.

Lasta adapto de tiu ĉi paĝo: 2014-11-05